کورتە هەواڵێک
12/05/2026 اخبار
🔹🔴 ئاڵۆزییەکانی نێوان ئێران و ئەمریکا بەردەوامە؛ میدیاکانی ئەمریکا باس لە کۆبوونەوەی ترامپ لەگەڵ تیمی ئاسایشی نیشتمانی دەکەن بۆ گفتوگۆ لەسەر ئێران و ئەگەری دەستپێکردنەوەی هێرشە سەربازییەکان لە تنگەی هورموز. 🔹 ئەمریکا سزا و گەمارۆی نوێی خستووەتە سەر تۆڕێکی نێودەوڵەتی پەیوەندیدار بە فرۆشتنی نەوتی ئێران، لە هەمان کاتدا نرخەکانی نەوت بەرز بوونەتەوە. 🔹 ترامپ هەروەها باسی گەشتی داهاتووی خۆی بۆ چین و دیداری شی جینپینگ کردووە؛ گەشتێک کە لە ناو قەیرانی ڕۆژهەڵاتی ناوەڕاستدا گرنگی تایبەتی هەیە. 🔹 لە ئێرانیش، فەرمانداری مەعشەهر ڕاگەیاندووە مانۆڕی سەربازی لە دەوروبەری شارەکە ئەنجام دەدرێت و داوای ئارامی لە هاووڵاتیان کردووە. 🔹 ئاستی ئاوی دەریاچەی ورمێش بۆ بەرزترین ئاستی شەش ساڵی ڕابردوو گەیشتووە. 🔹 حوکمی لەسێدارەدانی عەبدولجەلیل شەهبەخش جێبەجێ کرا؛ چاودێرانی مافی مرۆڤ ڕەخنە لە شێوازی دادگایی و نەبوونی ڕووناکی لە دۆسیەکە دەگرن. 🔹 مەحمود سادقی، زیندانیی سیاسی خەڵکی کامیاران، دوای نزیکەی ١٠ ساڵ زیندان هێشتا لە مافی مەرەخەسی بێبەشە. شورش محی
0
0